Mbinu kwa ajili ya kumbukumbu za Historia ya Data

Kila kilichochunguzwa, na kila sampuli ni ya kipekee na ni muhimu katika historia ya elimu ya viumbe na mazingira asilia ya dunia. Kama data na sampuli hazitaandikwa au kuwekwa lebo vizuri, taarifa muhimu zinaweza kupotea Hapa tunaleta mbinu rahisi za kuhakikisha kuwa data zote unazokusanya zinahifadhiwa vizuri ili kuwasaidia wengine kujifunza.

Mada hii imewezeshwa, kwa msaada wa ‘Foundation Grainger’. Tafsiri imefanywa na François Jacquet, Sophy Machaga, Noah Mpunga, Sheila Reynolds, na Tyana Wachter.

1 of 1

Previous Pause Next

Ukusanyaji na utafiti wa sampuli ni muhimu kwa uelewa wa historia ya asili yaulimwengu.

Kila specimen ni ya kipekee na tofauti kabisa na specimen nyingine yoyote.

hivyo,

1) Kila sampuli lazima itambulike

2) Habari kuhusu specimen hiyo lazima zipatikane kwa urahisi.

Ilikufanikisha masuala hayo mawili muhimu ya historia yaelimu ya sampuli za viumbe asili, uangalifu unatakiwa kuandika maelezo yanayohusu sampuli hiyo na kuhakikisha lebo imewekwa kwa usahihi katika hatua ya ukusanyaji.

Tunatumia mfano wa fuvu la mamalia lililopatikana wakati tukitembea msituni ili kuonyesha jinsi gani (na njia isiyo sahihi) ya kulebo sampuli, na kurekodi data katika hatua ya ukusanyaji wa sampuli.

Data ya msingi ambayo inapaswa kukusanywa kwa kila sampuli ni pamoja na eneo sampuli ilipopatikana na tarehe. Utambuzi wa awali na asili ya sampuli pia ni data muhimu sana. Maelezo ya ziada yanaweza kuwa muhimu sana kwa baadhi ya mafunzo.

Anza kwa kuipa sampuli namba ya utambuzi ya kipekee. Njia rahisi na bora zaidi ni kuipa sampuli namba maalumu ikiambatanishwa na jina la aliyekusanya.. Katika mfano wetu, mtu aliyeliona fuvu anaitwa Willian Stanley na namba ya kipekee aliloipa ni (1871). William Stanley hatoipa tena sampuli nyingine namba 1871 wakati mwingine wowote atakapopata tena sampuli nyingine. Specimen itakayofuata ambayo William Stanleyatakusanya, bila kujali kama ni mmea, mdudu au mfupa itakuwa na namba 1872.

Eneo na tarehe lazima ziandikwe kwa ukamilifu ikijumuisha Nchi, Jimbo(au Mkoa), eneo dhahiri (na GPS coodinate, kama inajulikana), siku, mwezi, na mwaka.

Andika mwezi ili kuepuka mkanganyiko. Kutegemea nchi uliyotoka ungeweza kurekodi 6 Julai 2011 kama 2011/06/07 au 2011/07/06. Kuandika 6 Julai 2011 inaeleweka na kila mtu. Pia, andika mwaka (Usiandike Julai 6 '11, kwani sampuli yako inaweza kuwekwa karibu na specimen iliyokusanywa Julai 6, 1911).

Taarifa lazima iandekwe kwa umakini ili ieleweke wakati wote. Aina ya karatasi na kalamu utumiayo kuandika ni muhimu sana katika kuhakikisha unafikia adhima hiyo. Aina nyingine za karatasi na kalamu ni bora zaidi katika kuhakikisha hilo.

Kwa mfano hapo juu, ni vielelezo vitatu vya vifaa tofautivilivyotumika kurekodi data: (William Stanley 1868) - peni ya wino; katikati; (William Stanley 1869 & 1870) penseli, chini (William Stanley 1871) - wino wa kudumu.

Na hapa ni jinsi kila moja ilivyokuwa wakati alcoholi ilipomwagikia Katika karatasi ya data. Jambo hilo linaweza kutokea hata maji yanapomwagikia (kama vile mvua).

Jambo hilo linaweza pia kutokea kwa lebo za specimen/sampuli...

...kama vitaguswa na kimiminika.

Kamavile uangalifu unavyopaswa kuchukuliwa wakati wa kurekodi data kwenye daftari, lebo za specimen lazima ziandikwe na kuwekwa vizuri ili wakati wote ziweze kuoanishwa na data katika daftari. Njia nzuri ni kubandika namba ya mkusanyaji humo. Aina ya wino, lebo, na uzi zilizotumika ni muhimu.

Karatasi nzito (kama vile karatasi na kadi ) ni bora kuliko karatasi nyembamba za daftari.

Chagua karatasi nzito/ngumu na wino wa kudumu au penseli.

Andika namba ya utambulisho kwenye kibandiko.

Weka sindano kwenye kibandiko, mbali na ukingo wa kibandiko.

Taratibu choma/toboa kibandiko.

Ingiza uzi mgumu kwenye kibandiko. Kama uzi utakuwa ni dhaifu unaweza kukatika na kufanya kibandiko kidondoke hivyo, specimen zako kukosa taarifa muhimu na hivyo kukosa maana kabisa.

Tengeneza kitanzi.

Vuta mwishoni mwa uzi kwa kupitia kitanzini.

Kwa uangalifu ibane tag kwa uzi.

Sasa haitakuwa rahisi kwa uzi kutolewa kwenye kibandiko.

Tengeneza kitanzi cha uzi kama sm mbili hivi toka kwenye ukingo wa kibandiko.

Funga fundo.

Kifundo hicho kitaisaidia tag kufungiwa kwenye sampuli yako.

Kaza uzi upande mmoja wa kamba kuzunguka sehemu ya sampuli. Kuwa makini na sehemu za sampuli zinazoweza kuharibika kirahisi.

Anza sehemu ya kwanza ya fundo.

Taratibu kaza uzi wa sampuli.

Anza sehemu ya pili ya fundo.

Kaza taratibu.

Kata uzi uliozidi, lakini isiwe karibu na fundo.

Hapa kuna mfano wa baadhi ya matatizo ya vibandiko.

Karatasi kuwa nyembamba, wino kuingia maji, na kibandiko kulichofungwa kwenye fuvu kiasi kwamba kinaweza kuchanika kirahisi kitakapopata mzukosuko wowote.